MHESHIMIWA RAIS AJIONDOE KWENYE HILI LA KUHUJUMU MAMEYA WA UPINZANI.

Ndugu wananchi na wakazi wa Manispaa ya Kinondoni, nianze kumshukuru Mwenyezi Mungu kwa kutuepushia mabalaa na kutujalia Afya njema.Hatuna la kumlipa zaidi ya kusema ahsante.

Leo nimeamua kuita vyombo vya habari ili kuhabarisha uma na watanzania wote kwa dhumuni moja tu, la kuelezea masikitiko yangu dhidi ya Utawala huu wa awamu ya tano, ambapo mimi Mstahiki Meya wa kinondoni, nalazimika kwa namna moja kufanya nao kazi ya kuhudumia wananchi.

Naleta masikitiko yangu kwenu si kwa lengo la kuchochea hasira za watu bali kuonyesha, gilba, uzandiki, fitina na uchonganishi tunaokutana nao kutoka kwa viongozi wa serikali ya Awamu ya tano.

Ndugu wananchi lazma tuweke rekodi wazi ya kuwa mimi siyo mteuliwa bali mchaguliwa kutoka kwenye kundi kubwa la viongozi mliowachagua October 2015, hivyo mabosi wangu ni nyinyi na pakushtaki ni kwenu yani uma, ili mnitendee sawa na mapenzi yenu mliyonituma kuwaletea maendeo.

1.KWA MASIKITIKO SERIKALI YA JAMHURI YA MUUNGANO WA TANZANIA, IMEANDIKA BARUA KUKATAA MANISPAA YA KINONDONI TUSIPEWE MSAADA WA MRADI KIWANDA CHA KUCHAKATA TAKATAKA ZIWE MBOLEA, KUTOKA SERIKALI YA UJERUMANI, UNAOGHARIMU KIASI CHA SHILLINGI BILLIONI 3.2.

Kosa letu kubwa ni msaada kutoka wakati huu ambapo manispaa ya kinondoni ina shikiliwa na wapinzani(UKAWA) na kuonekana kwamba mradi huu ungetujenga binafsi na siyo CCM, kukataa huku ni kwa kuandikia barua wahisani hao kwamba mitambo na vitu vyote wanavyo panga kutuletea, vitozwe kodi, ambayo itagharimu kiasi cha sh millioni 900.

Ikumbukwe mradi huu ni msaada tu na siyo biashara na kwamba baada ya assembly ya mitambo, wajerumani walikuwa wanaikabidhi manispaa ya kinondoni ndani ya miezi 6, kitendo hiki siyo tu kutukwaza sisi kama wapinzani, ila kimewakwaza wahisani.   Wahisani hao kutoka ujerumani wamejitolea kutusaidia billioni 3.2, ukiongeza millioni 900, tafsiri yake tunawalazimisha watusaidie billioni 4.1, huo si uungwana hata kidogo.

Nani asiyejua mchakato wa mradi huu ulianza sikunyingi kabla ya wapinzani kuongoza manispaa ya kinondoni, ila mradi umekuwa hai kipindi cha  wa pinzani kwa sababu ya sifa yetu kubwa ya kutokuwa warasimu.

Ndugu wananchi hili limetusikitisha sana hasa kwa serikali hii inayo jipambanua ya kutetea wanyonge na HAPA KAZI TU.

Kushindwa kujua kuwa mradi huu ulikuwa unakuja kufanya mapinduzi makubwa ya hali ya USAFI si kinondoni tu bali DAR ES SALAAM yote kama jiji..

Jiji letu lingekuwa safi na wananchi wangeondokana na michango ya takataka,sababu mradi huu ulikuwa umelenga kutoa  magari ya taka kupita mtaani nakuzikusanya bure.

2.JUU YA UJIO WA MHESHIMIWA RAIS NDANI YA MANISPAA YA KINONDONI.

Nimeona nilitolee ufafanuzi hili suala baada ya kuona napigiwa sana na kutumiwa ujumbe kwa njia ya simu, watu wakitaka kujua ukweli wa mambo juu ya lililotokea siku ya 06-09-2016.

Siku hiyo niliomba Madiwani waliokuwa wana kikao cha kamati ya mipango miji kuja kujumuika nasi ingawa itifaki na mpangilio wa tukio ulikuwa kichama zaidi (Ki-ccm) kuliko kiserikali. Mimi mweneyeji kwenye manispaa yangu wakanikalisha nyuma siti ya tatu kutoka meza kuu, huku viongozi wa CCM kama Mwenyekiti wa Mkoa na wengine wakikaa mbele yangu.

Zaidi ni kwamba ujio huo wa Mheshimiwa Rais sikuwa nimetaarifiwa na taasisi yoyote ya Serikali, kuanzia Ikulu, Mkoa mpaka wilaya, isipokuwa niliona busara kwakuwa maandalizi yaliyoendelea yalifanyikia getini kwangu, si vyema kama muungwana kuacha kwenda kujumuika na Mheshimiwa Rais, isingeleta picha nzuri kwa kiongozi kama mimi.

Pili, kukosekana kwangu kwenye ratiba kusalimia au kuongea na Wananchi wangu wa Kinondoni pia nako kulinifanya nishangae zaidi; iweje mwenyeji nisiwepo kwenye ratiba hiyo huku watu mbalimbali wakipata fursa ya kuzungumza ama kusalimia watu wa kinondoni.

Tatu, kupangwa kwa mtu maalumu wa kunitukana mimi mbele ya Rais ambaye amekiri kuwa alikutana na mkuu wa mkoa kwanza na kukubaliana kuwa ataongea huku tayari risala kwa niaba ya wahusika ikiwa imeshatolewa.

Nne, upotoshaji mkubwa uliofanywa na waziri Lukuvi; kwamba manispaa ionekane tulitesa wakazi hao na kuwatapeli bila ya msaada wowote, mpaka wao walipo amua kuja kuongea nao.

YOTE HAYA yalionyesha ni
namna gani viongozi hawa walijipanga kumpotosha Mheshimiwa Rais na kutosema kweli kwa dhumuni la kulaghai ama kuchafua taswira ya Manispaaa ya kinondoni kwakuwa inaongozwa na wapinzani.

Kimsingi Waziri Lukuvi na Mkuu wa Mkoa walikuwa na kila sababu ya kuzuia nisipate japo dakika moja kusema ukweli juu ya mradi ule wa nyumba kongwe magomeni kota. Mradi ule ni sawa na miradi ya wilaya zingine Dar es salaam ambapo Temeke waliokuwa wapangaji waliondoka kwa hiari bila kulipwa chochote wakati Ilala mpaka sasa wapangaji na manispaa wapo mahakamani. Kinondoni pekee ndiyo ilikuwa imewalipa wapangaji wake pesa ya kodi ili kupisha ubomoaji.

Wakati huo wapangaji hao walikaa kwa muda wa miaka 10 bila ya umeme wala maji, baada ya Mahakama kuamuru kuwa yalikuwa ni makazi hatarishi.

Lakini Mheshimiwa Rais si kweli kwamba ardhi ile ilipangwa kuuzwa isipokuwa Mheshimiwa Rais Mstaafu Jakaya Mrisho kikwete alichukua baadhi ya madiwani na kuwapeleka Indonesia ziara ya kiserikali na baadaye wakaenda Romania, huko ndiko walipokuja na mwekezaji anayeitwa Blue Marine kutoka Romania, ambao walikubali kuwajengea wakazi hao 644 nyumba na kuwarudisha kama wapangaji huku wakitengeneza majengo mengine ya biashara, makao makuu mapya ya Halmashauri ya Manispaa ya Kinondoni, kuvunja Shule ya msingi pembeni ya magomeni kota ili kuijenga upya; Blue Marine walikwama kungoja saini ya waiziri wa Tamisemi tangu 2014.

Na kama Rais leo akiitisha documents hizo kutoka Tamisemi ataona mapendekeo ya mkataba kati ya manispaa ya kinondoni na BLUE MARINE. Kusema ardhi ilikuwa imeuzwa ni upotoshwaji mkubwa uliofanywa na waziri Lukuvi huku akijua kuwa yeye akiwa Waziri awamu ya nne,chini ya Rais Kikwete tayari uwekezaji wa magomeni kota likua umesha anza, isipokuwa sheria inatutaka tumpe Waziri ili aweze kuidhinisha.

Waziri Lukuvi kusema kuwa mradi huu ulikuwa ni wa utapeli hatukomoi UKAWA bali tuna mshangaa kwa kumzushia shutuma hizo Rais kikwete, na akitaka kujua ukweli wa mradi hata pale Rais alipo mtuma aje afuatilie swala hilo.

Mheshimiwa Rais nilitaka nipate fursa nikueleze kuwa Mawaziri wote wa Ardhi walisha wahi kutaka kupora eneo hilo. Badala ya kukutana na Halmashauri akaona ni vema apate fursa ya kuitisha hati za Halmashauri na kuzifutilia mbali.

Mheshimiwa Rais kila mtu anaunga mkono juhudi za kuwasaidia wazee au wakazi wale wa nyumba kongwe ila kupotosha umma na kuliko fanywa na Waziri kulikuwa na lengo binafsi la kutaka kunufaika na mradi mpya utakao anzishwa.

Hasara kubwa iliyopatikana baada ya kufutwa hati za eneo hilo ni kwamba serikali za mitaa zimeondolewa maeneo ya uwekezaji ambayo yangesaidia kuimarisha makusanyo ya Halmashauri na kufanya serikali hizi za mitaa ziwe tegemezi baada ya kuporwa vyanzo vyake vya mapato. Baaada ya mwekezaji kujenga na kuwapatia makazi wapangaji wale palikuwa na kituo kikubwa cha uwekezaji kianzishwe.

Lakini si hilo tu; tayari benki ya dunia walikuwa wametoa fedha za kumpatia mkandarasi mshauri(consultant) GUff GMB kutoka ujerumani kiasi cha dola laki nne na themanini kutuandalia michoro ya jengo la utawala kwa ajili kuiwezesha Manispaa miongoni mwa majengo yaliyokuwa yanategemewa kutoka kwenye mradi wa viwanja hivyo vilivyo chukuliwa.

Mheshimiwa Rais nimalizie kuwa, ningepata walau dakika tatu ningekueleza jinsi Waziri wako Lukuvi alivyo hatari san, na Manispaa ya Kinondoni mpaka leo inaonja machungu yake aliyotusababishia kukosa kiasi cha shillingi zaidi billioni ya 12, ningekufafanulia na kukuomba utumie vyanzo vyako vya usalama kudhibitisha.

Nishukuru kuwa hata walichopanga pia kukifanikisha uliruka kiunzi baada ya kusema wakujenga bado haujaamua, tofauti ya Waziri Lukuvi kujiandaa na watu wake kupokea eneo hilo, imani yangu hata kama tumeporwa bado lipo salama sana, kuliko ungemkabidhi yeye ndiye achukue ardhi hiyo ili ekari mbili ajenge flats za hao 644, zingine wajanja wa mjini watumie kwa mambo yao.

Mwisho nataka kumwambia Mheshimiwa Rais ya kuwa Wabunge, Madiwani na Mameya tunakuja kwenye ziara zako tukijua ni ujio wa kiserikali, lakini kama kiongozi Mkuu wa nchi tunataka uwaonye viongozi wako waache kufanya ziara zako kuwa za kichama kuliko serikali.

Mheshimiwa Rais usishangae Ikafika muda usituone katika ziara zako zingine kama baadhi ya viongozi wa serikali kutaka kuchanganya uccm na ziara ya kiserikali; au kuona mtu kama mkuu wa Mkoa akiongea vijembe kuwa eti ni "mbabe wa vita"..ubabe dhidi ya nani? Na ni vita ipi? matusi yale mbele yako tafsiri itakuja kuwa unawatuma au kuwapanga mapema kutoa matusi na mipasho, sisi mameya tutaendelea kuwa ni waungwana.

Sisi Mameya wa upinzani tumefikia mwisho, Wabunge na Madiwani kwenye ziara zako, tukiona hatutambuliwi kama Viongozi wa Wananchi tuliochaguliwa,na wanachi badala yake nikuona fedheha za kuita makada wa ccm watutukane.

Yaani tulienda mbele za wananchi na kuwaomba kura kwa unyenye kevu, kama akitaka kuonyesha ubabe basi aje agombee kata ya ubungo.

"Tumepitia jando la kisiasa". Akiendelea kuwa kiongozi kwa kuteuliwa kamwe asijiongopee ni mbabe, atakuwa anajilisha upepo. Na hayo yote yanayoendelea kama yasipokemewa mapema ni wazi utakuwa unashiriki na wakuu wa mikoa na ma DC Kuhujumu upinzani.

Meya Boniface Jacob atembelea vikundi vya wajasiriamali katika Manispaa ya Kinondoni

Mstahiki Meya wa Manispaa ya Kinondoni Boniface Jacob, Jana Jumatano    25/8/2016 alitembelea zaidi ya vikundi 10 vya wajasiriamali ili kuangalia biashara wanazozifanya na kujua changamoto walizonazo.

Meya Jacob katika ziara yake katika Kata za Makumbusho, Sinza, Kawe, Wazo na Kwembe aliongozana na maofisa maendeleo wa Wilaya na Kata pamoja na madiwani ili kusikiliza changamoto za wajasiriamali hao ili waweze kuzitatua.

Wajasiriamali na viongozi wao wa vikundi walimweleza Meya Jacob kwamba changamoto kubwa waliyonayo ni vikundi vingi kuweka akiba lakini waliopatiwa pesa na Dar es Salaam Commercial Bank (DCB) ni wachache na kwamba waliopata haziwatoshi.      

Meya Jacob akijibu changamoto hizo, alisema kero hiyo ameipokea katika vikundi vingi hivyo amepanga kuitisha kikao baina ya Manispaa na DCB ili kujua ni kwanini wananchi wanaweka fedha lakini hawapewi hawapati mikopo au awapatiwi mzunguko mwingine wa mkopo kutoka sh 200,000 na sh 350, 000 kufikia sh 700,000 na zaidi.

"Tutawaita na kukaa hao maofisa wa DCB watwambie tatizo ni nini hadi wananchi hawapatiwi mikopo yao....kama wameshindwa kuwahudumia basi waziachie benki zingine kama  ya wanawake TWB, CRDB na BENKI ya  POSTA kuwahudumia wananchi wa Kinondoni.
                         
Akiwa Kata ya Kawe, ambapo alitembelea katika soko jipya, Meya Jacob, aliwaahidi wajasiriamali hao kufuatilia na kuahakikisha machinjio ya kuku yanajengwa, mitaro na paa la soko hilo linajengwa kwa haraka ili waweze kufanyia biashara maeneo salama na safi.

Katika hatua nyingine, Meya Jacob amempa siku tatu mwenyekiti wa serikali za Mtaa wa Msakuzi Nicolaus Limbugu(CCM) kurejesha fedha za wajasiriamali wa kikundi cha Masawe A. Msakuzi kabla hajachukuliwa hatua za kinidhamu kwa manispaa haikumtuma kuchangisha.

"Natoa wito kwa mwenyekiti huyo kurejesha fedha ya wanakikundi hawa haraka ili ziende benki bar wapatiwe pesa...nitarudi baada ya wiki kujua jambo hili lilipofikia" alisema

Meya Jacob alimtaka ofisa wa Mtaa wa Msakuzi Boaz Maingu kuhakikisha, mwenyekiti huyo Nicolaus   anarejesha fedha zote wanakundi 172 na kuweka hesabu yao sawa pasipo malalamiko.

Katika ziara hiyo kwenye Kata tano,  aliwashukuru viongozi wa vikundi hivyo kwa kazi yao kubwa ya kuwaweka pamoja, na kuwaahidi kuwaombea posho ndogo ya kuwawezesha kufanya kazi yao vizuri.

Imeandikwa na Janet Josiah.
Mwisho.

Meya Boniface Jacob atoa vyeti kwa wasaidizi wa ustawi wa jamii Kinondoni.

MSTAHIKI wa Halmashauri ya Manispaa ya Kinondoni Boniface Jacob jana 28/7/2016 alifunga mafunzo ya wasaidizi ustawi wa jamii 237 na kutoa vyeti kwa  washiriki hao.

Washiriki hao 237 walipatiwa mafunzo ya siku 10 jijini Dar es Salaam ili kukabiliana na janga la Ukimwi na hasa kwa kutazama makundi maalum ambayo kwa namna  moja ama nyingine,   hayakupewa kipaombele (watoto walio katika mazingira hatarishi).

Akizungumza katika hafla hiyo, Meya Jacob alisema kuwa Manispaa ya Kinondoni kwa kushirikiana na madiwani wake, imejipanga kulipa kulipa msukumo mkubwa kwa kuwa athari zake kwa jamii ni kubwa.

Meya Jacob aliwataka wasaidizi hao wa ustawi wa jamii kuhudumia kwa moyo na bila ubaguzi kwa kuwa kazi ya kuhudumia jamii haichagui Dini, ukabila wala itikadi za kisiasa.

"Nawaombeni sana mlio patiwa mafunzo haya,   wakiwemo maafisa ustawi wa jamii na wengine wa ngazi ya Kata  na nyie mliojitolea kwamba jambo hili ni letu hivyo ni lazima tulisimamie kwa nguvu zetu zote ili tufikie kiwango kizuri cha udhibiti wa maambukizi ya virusi vya Ukimwi kwa kuwashawishi upimaji wa VVU" alisema

Meya Jacob aliwashukuru waandaaji wa mafunzo hayo John Snow Inc (JSI) chini ya mradi wa uimarishaji mifumo ya afya na ustawi  wa jamii ambao unafadhiliwa na watu wa  marekani, shirika la FHI360 kwa kushikiana na shirika la WAWATA.

Naye Mkurugenzi wa mafunzo ya ustawi wa jamii  kutoka Chuo Cha Ustawi wa Jamii jijini Dar es Salaam Leah Omary alisema kuwa Chuo hicho kinajivunia kutoa mafunzo hayo ambayo ufanikiwa katika jamii iliyotuzunguka.

Akitoa shukrani kwa mafunzo hayo, Mmoja wa washiriki hao, Ally Firina,  alisema kwa kuwa viongozi wa mitaa yao waliwaamini na kuwapa nafasi ya kujifunza namna ya kutoa huduma kwa jamii kama wasaidizi wa ustawi wa jamii, wananchi watoe ushirikiano ili kuweza kuleta mabadiliko ya haraka na chanya.

Imeandikwa na Janet Josiah.

KMC - FC yainyuka SIMBA SC 1 - 0

KMC -FC yainyuka SIMBA FC 1-0


Bao la dakika ya 11 liliwekwa wavuni na Rashid Roshwa wa timu ya Manispaa ya Kinondoni leo lilitosha kuizamisha Simba katika mchezo wa kirafiki uliochezwa katika uwanja wa Highland uliopo Chuo cha Bibilia Mkoani Morogoro.


Simba ikiwa na kikosi kamili ilishindwa kusawazisha bao hilo licha ya jitihada za washambulizi wake wakiongozwa na ibrahim Ajibu na Danny Lyanga.






KMC - FC walionekana kuikamia mechi hiyo tangu mwanzo wa mchezo wakifanya mashambulizi ya kushtukiza na kufanikiwa kulilinda bao hilo hadi mwisho wa mchezo.

KMC - FC wanaendelea na mazoezi kesho katika viwanja vya Bora- Kijitonyama kujiandaa na mechi nyingine ya kirafiki Ijumaa JKT Ruvu viwanja vya Mbweni.

Pongezi nyingi zimuendee Mstahiki Meya wa Manispaa ya Kinondoni, Boniface Jacob kwa kujitoa kwa hali na mali ili kurudisha nguvu na heshima ya michezo kwenye Manispaa ya Kinondoni hususani kwenye kuiendeleza timu ya mpira wa miguu ya KMC - FC.

Imeandikwa na Janet Josiah

MEYA JACOB AMKARIBISHA DC POLEPOLE

Amwambia anasubiri busara imwongoze kama aende Ubungo ama abaki Kinondoni na akienda ni kwa ajili yake. 




MSTAHIKI MEYA wa Manispaa ya Kinondoni Boniface Jacob leo katika kikao cha baraza la madiwani, amemkaribisha Mkuu wa Wilaya mpya ya Ubungo Humphrey Polepole kuwasalimia madiwani hao kabla ya mgawanyo huo.

Awali kabla ya Polepole kuingia ukumbini, Meya Jacob alisema kwamba taratibu za serikali  kugawanya manispaa ya kinondoni kuwa na ya Ubungo zinakamilika na wakati wowote, Wilaya hiyo inaweza kuanza kazi.



"Kama ambavyo tume ya uchaguzi ilianza michakato yake ya kugawa majimbo na hatimaye jimbo la ubungo likagawanywa na kupata kana jimbo la kibamba kulingana na wingi wa watu wake...
Ndiyo serikali kuu (Tamisemi)ili tangazo kuwa Wilaya ya ubungo na michakato ya kugawa Mali, mapato na  watumishi yaliendelea na sasa tayari sehemu kubwa yamekamilika hata jengo la manispaa, muda wowote watumishi na madiwani watatakiwa kwenda huko" alisema Meya Jacob

Hata hivyo akimkaribisha DC Polepole alisema " karibu sana Wilaya ya Ubungo

...mimi bado sijasema niende au nibaki wapi, nasubiri busara iniongoze hivyo tuko pamoja maana wote ni wamoja ila nikija huko ni kwa ajili yako jiandae"



NAYE DC Polepole akiwasalimia madiwani wa manispaa ya Kinondoni alisema kuwa angetamani Wilaya ya Ubungo iwe ya tofauti katika uongozi wake endapo kila kiongozi na mtumishi atafaa kazi kwa maendeleo ya nchi.

"Mh rais amenichagua nije katika wilaya mpya ya ubungo na nitoke msoma vijijini kwa malengo na kazi ile ile ya wakuu wote wa wilaya ya ulinzi na usalama wa wilaya husika lakini pia kwa ajili ya dhamana ya kusimamia sera na ustawi wa maendeleo hivyo tufanye shughuli zetu kwa amani"

" Kwa wanaonifahamu vizuri mie ni mwanaccm kweli kweli na siyo wa bahati mbaya, lakini naheshimu demokrasia ya ustawi wa vyama vingi na kufanya kazi na watu wengi kwani si mara ya kwanza kufanya kazi na viongozi wa upinzani ....nimefanyanao bila kuvunjiana heshima"  alisema Polepole

DC Pole pole alisema kwamba anategemea siasa ya maendeleo katika wilaya hiyo na siyo siasa ya madaraka kwa kuwa msingi mkubwa wa kuwapo  viongozi na watumishi ni maendeleo kwa eneo husika.
MBUNGE wa Kinondoni Maulid Mtulia (CUF)alimshukuru DC Polepole kwa elimu hiyo na kumuahidi kwamba kama ataweka mbele maslahi nchi basi watashirikiana  naye bila migongano yoyote baina yao na yeye, watumishi na serikali kuu

"Nafikiri tuendelee na  kazi ya kutafanya siasa ya maendeleo ili baadae tupate siasa ya madaraka ... ili mkiwa mnaitengeneza Ubungo ya tofauti, siye kinondoni tubaki na kinondoni ya pekee"


Mapema akijibu hoja za madiwani kuhusu shughuli za maendeleo za manispaa hiyo alisema watatumia wataalamu kufanya utafiti na kushauri ili kuhakikisha wanaondoa changamoto za kujenga barabara Chini ya kiwango.
"Suala la barabara ni la kitaalamu hivyo linapaswa kuangaliwa kwa makini na sio kulaumu watu waliopita tunaanza upya na kuendelea mbele...kwa sasa tutakuwa tukipima kwanza ili kuondoa matatizo yaliyokuwapo awali" alisema Meya Jacob

Aidha alisema barabara za akachube, mabatini, Mikocheni na zingine ziliharibika haraka kutokana na kutumia lami nyepesi na maeneo hayo kuwa na chemchem ya Maji.

"Tusiwalaumu wakandarasi kwani wanajenga barabara kulingana na kiwango cha fedha walichopewa ambapo katika manispaa hii tunatoa milioni 400 kwa kilomita moja wakati hao hao wanajenga za wakala wa barabara nchini Tanroads na haziharibiki kwa kuwa wanapewa fedha za kutosha" alisema.

MEYA WA KINONDONI APOKEA MSAADA WA MADAWATI 100

* Awataka wahisani wengine kujitokeza kusaidia.

Mstahiki Meya wa Halimashauri ya Manispaa ya Kinondoni Boniface Jacob Leo amepokea msaada wa madawati 100 toka Shirika la Social Action Trust Fund (SATF)lenye makazi yake Mikocheni jijini Dar es Salaam.

Meneja Program wa SATF Rogasian Massue

Akizungumza katika hafla hiyo fupi Meya Jacob alisema kwamba mpango ulipo kwa Manispaa hiyo nikuhakikisha hadi mwezi Agosti mwaka huu, hakuna mwanafunzi atakayekaa chini kutokana na kuwa na uwezo wa kuwatosheleza.

"Nawashukuru sana nyie Shirika la SATF kwa msaada wenu huu kwetu Manispaa... tunawaalika wadau wengine wa elimu kutuletea msaada mwingine wa madawati ili yajae na mengine tuweke stoo akiba ili watoto watakapovunja wapewe mengine maana ni watundu sana" alisema

Pamoja na hilo Meya Jacob   aliwataka wadau wengine wa elimu kujitokeza kutoa msaada wa madawati kwa kuwa uhitaji wake bado upo.

Hata hivyo alisema kuwa mpaka sasa wazabuni waliopewa kazi ya kutengeneza madawati zaidi ya 16000 wanaendelea ili yaanze kugawiwa kwa shule za Manispaa hiyo haraka. 

Mapema Meneja Program wa SATF Rogasian Massue alisema kuwa watoa madawati yao 100 kama mpango wao wa kusaidia wilaya mbalimbali ili vijana waweze kupata elimu na kuwa wataalam mbalimbali.

Massue alisema katika program ya kutoa msaada wa madawati 150 katika  Halmashauri ya Chato mkoani Geita, wakafuatilia Kinondoni jijini Dar es Salaam madawati 100. 

Meneja program huyo alisema sasa wanajiandaa kupeleka msaada Manispaa za Temeke na Ilala za hapa jijini, wilaya ya Kankonko mkoani Kigoma na  Kaliua  mkoani Tabora.  

Imeandaliwa na Janet Josiah.

MSTAHIKI AFUTURISHA KINONDONI

Mstahiki Meya Boniface Jacob afuturisha Kinondoni.

Aendeleza utamaduni ulioachwa na Londa, Mwenda.

Mstahiki Meya wa Manispaa ya Kinondoni Boniface Jacob jana Julai Mosi amefutulisha,wananchi wa manispaa hiyo wakiwamo wadau na wanasiasa wa vyama vyote,hafla iliyofanyika katika viwanja hivyo. 

Akizungumza katika shughuli hiyo,  Mstahiki Meya alisema Manispaa yake ipo  imara kuliko inavyotarajiwa pamoja na kuwepo vikwazo vya   hapa na pale.

Akifafanua kauli yake,alisema pamoja na serikali kuu kuchukua tozo yote ya majengo ambayo ni zaidi ya sh bilioni 10 ambayo itakusanywa na TRA,tayari manispaa hiyo imeshajipanga kukusanya kiasi hicho kwa njia nyingine.

"Kama miezi sita  sasa tumeweza kufanya vizuri kuliko manispaa zote...hivyo hatutashindwa kukusanya mapato na kuleta maendeleo.

"Sitaki kuwa mnafiki mwezi  huu mtulya wa Ramadhan,  kuna vikwazo vingi Kama mnavyosikia na kujionea ila tutavishinda kwa uwezo wake Mungu.

Pamoja na hayo Mstahiki Meya  alitoa zawadi ya viwanja vitano vilivyopo Mabwepande kama sadaka kwa makundi yenye mahitaji maalum (walemavu,yatima,mashirika ya dini,watoto wanaolelewa katika Ngo's) kama sadaka toka manispaa hiyo vitakavyotolewa kwa utaratibu kuandika barua ya maombi kwa mkurugenzi .

Hata hivyo aliwashukuru wote walifika kushiriki futari na kueleza kwamba ataendelea kula nao katika kipindi cha miaka mitano kama walivyokuwa wakifanya mameya waliopita Londa na Mwenda.

CUF - Mwakalishi wake katika shida alisema kuwa hata kama serikali imezuia kufanyika mikutano, huo ni  uoga wao, wao kama ukawa watafanya.

 CCM Mwakalishi alimshukuru  mstahiki Meya kwa mwaliko wa masheikh bila ubaguzi.

CHADEMA Mwakilishi alisema hali ya maisha ime badilika sana hata kufanya waislam wafuturu kwa shida na Chadema itaendelea kupiga kelele.

MBUNGE Mwakalishi wa Kinondoni Mtulia alisema wabunge wa manispaa ya kinondoni wote wanne (ubungo,kawe,kibamba na kinondoni) wanamasikitiko  makubwa sana kwa kuwa wametolewa matumaini ya kuwapa maendeleo wananchi waliyoahidi baada

ya serikali kuchukua tozo ya majengo ambayo ndiyo chanzo kikubwa.

Sheikh Katimba alisema hii  nchi yetu sote ambayo inaendeshwa na demokrasia lakini hawaelewi kwanini kuna ubakwaji wa demokrasia.

"Tunawaomba wakubwa waache wabunge wafanye kazi yao..."alisema

Aliongeza kwamba bajeti ya sasa ime kuwa  ngumu na hapo hapo serikali kuzuia mitumba kuingia nchini hali inayosababisha ugumu wa maisha hata wananchi kushindwa kununua nguo za sikukuu kama walivyoshindwa kununua sukari kipindi hiki cha ramadhan.

Sheihk Katimba aliitaka serikali iache kukurupuka katika uamuzi wake na kufuatilia jambo mpaka mwisho.

Alitoa mfano wa kweli ambao alisema unawaumiza waislam wengi na kwa dini yao kupinga wa wenzao kuitwa magaidi hata kuwekwa gerezani bila ya uchunguzi kukamilika na kuwakamata wanaofatilia,.

"Tunaiomba serikali  irekebishe hali hii ya sasa kwani wimbo wa amani aukamiliki bila haki...Innah..."

Mwisho. Imeandikwa na Janet Josiah.

MEYA BONIFACE JACOB AKABIDHI TIMU KWA WANANCHI

Mstahiki Meya Boniface Jacob akabidhi timu kwa wananchi.

Afanya mazungumzo na wadau wa soka Kinondoni. 

HALMASHAURI ya Manispaa ya Kinondoni jijini Dar es Salaam imekabidhi timu ya soka ya manispaa hiyo KMC FC kwa wananchi kwa ajili kuisaidia ishiriki michuano ya Ligi Kuu Tanzania bara.

 Hatua hiyo inatokana na timu hiyo inayoshiriki Ligi daraja la kwanza kutofanya vizuri kwa miaka mitatu mfululizo tangu inunuliwe.

 Akizungumza jijini Dar es Salaam leo na wadau wa soka wa manispaa hiyo, Mstahiki Meya wa Manispaa ya Kinondoni, Boniface Jacob alisema mwenendo mbaya wa timu hiyo imesababisha ishindwe kufika mbali. 

Alisema kutokana na mwenendo huo, manispaa hiyo imeamua kuwakutanisha wadau wa soka ili kuwakabidhi timu.

 "Awali tulikuwa hatujafanya hivyo ila tumeonelea tuirudishe kwa wananchi ili wapate fursa ya kutoa mchango wao, licha ya kuwa usimamizi wa masuala ya bajeti utakuwa chini ya halmashauri," alisema. Meya Jacob  ambaye pia ni alike wa  Mwenyekiti wa kikao.hicho, alibainisha kuwa licha ya timu hiyo kugharamiwa kwa kila kitu lakini bado imekuwa haifanyi vizuri. "Tumekosa fursa mbalimbali ikiwemo ya timu yetu kwenda jijini Humburg Ujeruman, endapo tungefanya vizuri ama kupanda daraja kushiriki Ligi Kuu," alisema. Katika mkutano huo ulioudhuliwa na wadau mbalimbali, walieleza kuwa kushuka kwa timu hiyo kunatokana na kutoshirikishwa kwa wananchi muds.mrefu. Mdau wa soka, Ramadhan Kampira alisema kuwa lazima iundwe kamati ya wataalam ili kuisimamia timu hiyo ndani na nje ya uwanja. "Haya yote.yanafanyika lakini tutambue tumechelewa sana, ilatakiwa mipango ianze muda mrefu hatuwezi kufanya usajili ndani ya wiki tatu kisha tuamini tutafika Ligi Kuu," alisema. Mdau mwingine, Idd Mbonde alisema kuwa timu hiyo ilikosa utawala bora wa kuisimamia ndio maana imekuwa ikifanya vibaya. "Kinachotakiwa kufanyika sasa hii timu wakabidhiwe wananchi angalau kwa miaka miwili ili tuhakikishe inafanya vizuri," alisema

Hata hivyo Meya Jacob alimaliza kikao hicho kwa kuunda kamati ya uongozi ya watu 12 wataohakikisha wanasimamia usajili wa wachezaji,katiba na uchaguzi wa  uongozi wa kudumu. Imeandikwa na Janet Josiah